سألت نفسي طب هي فعلاً عند ليان ولا لأ حسيت بذنب بيكسر في صدري زي الحجر الكبير اللي وقع فجأة حاولت أتصل بجنى رنت مرة واتنين وتلاتة ومفيش رد قلبي بدأ يدق أسرع ودماغي مليانة سينـ .ـاريوهات مرعبة يمكن حصل لها حاجة يمكن حد ضحك عليها يمكن بتقابل حد يمكن يمكن يمكن أفكار سودا بتخبط في دماغي زي الموج العنيف فضلت أتصل لحد ما ردت أخيرًا بصوت عادي جدًا أيوه يا ماما في حاجة حاولت أهدى صوتي وأنا بقولها إنتي فين يا جنى قالتلي باستغراب ما قلتلك يا ماما عند ليان فين يعني حسيت الدم بيغلي في عروقي بس حاولت أتحكم
في نفسي وقلت لها طب اديني ليان أكلمها لحظة صمت عدت ثواني تقيلة وبعدين قالت أصل ليان في الحمام طيب اديني ماما ليان قالتلي خرجت تجيب حاجة من السوبر ماركت حسيت الكذبة واضحة جدًا لدرجة إنها جرحتني أكتر من أي حاجة تانية قلتلها بصي يا جنى أنا كلمت تيسير دلوقتي وسألت عليها قالتلي إنك ما رحتوش عندهم من أسابيع ساعتها سكتت خالص مفيش صوت غير أنفاسها المتوترة وبعدين الخط اتقفل فجأة من غير ولا كلمة وقفت مكاني وأنا حاسة إن الدنيا بتلف بيا لبست بسرعة وخرجت من البيت وأنا مش عارفة أنا رايحة فين بس لازم ألاقيها ركبت العربية وأنا بتصل
تاني ومفيش رد فضلت ألف في الشوارع القريبة يمكن تكون في مكان قريب يمكن قاعدة مع صحابها يمكن في أي حتة عدت ساعة وأنا بدور عليها زي المجـ .ـنونة لحد ما الموبايل رن وكان رقم غريب رديت بسرعة ألو الصوت اللي رد كان صوت بنت صغيرة خايف ماما جنى معاكي قلتلها مين معايا قالت أنا سلمى صاحبة جنى إحنا في كافيه قريب من المدرسة بس جنى تعبانة جدًا ومش عارفة تعمل إيه قلبي وقع وأنا قلت لها استني أنا جاية حالًا وصلت الكافيه وأنا بدور بعيني لحد ما شفتها قاعدة على كرسي في ركن بعيد وشها شاحب وعينيها حمرا من العياط
جريت عليها وفضلت أبص لها مش مصدقة دي بنتي اللي كانت بتضحك من شوية في البيت قعدت جنبها وقلت لها بهدوء إنتي كويسة هزت راسها بالنفي ودموعها نزلت من غير صوت مسكت إيدها وكانت ساقعة قوي زي التلج قلت لها إيه اللي بيحصل يا جنى فين كنتي كل الفترة دي سكتت شوية وبعدين قالت بصوت مكسور أنا آسفة يا ماما أنا كنت بكذب عليكي حسيت قلبي بيتعصر بس قلت لها ليه يا حبيبتي كنتي فين قالتلي كنت بخرج مع صحابي كنا بنروح أماكن مختلفة كافيهات وساعات بنقعد في جنينة عامة وساعات عند واحدة صاحبتي بس مش عايزة أقولك عشان عارفة إنك
هترفضي سألتها وأنا بحاول أتماسك بس ده مش سبب يخليكي تكذبي عليا بالشكل ده يا جنى قالتلي وهي بتعيط أكتر أنا كنت خايفة أقولك الحقيقة لأن في ولد كان بيجي معانا وأنا عارفة إنك هتزعلّي جدًا حسيت الدنيا اسودت في عيني للحظة بس حاولت أهدى نفسي وقلت لها طيب والولد ده مين قالتلي واحد أكبر مني بسنتين بنقعد نتكلم بس مفيش حاجة غلط والله يا ماما أنا بس كنت عايزة أحس إني كبيرة وأقرر بنفسي أنا أخرج فين وأروح فين وأنا بسمعها حسيت بخليط غريب بين الغضب والخوف والوجع والخوف كان أكبرهم كلهم الخوف عليها من الدنيا من الناس من أي
حاجة ممكن تأذيها وأنا مش واخدة بالي حـ .ـضنتها فجأة وهي فضلت تعيط في حـ .ـضني زي طفلة صغيرة كأنها رجعت تاني لبنتي اللي كانت بتجري عليا أول ما تشوفني قلت لها وأنا بمسح على شعرها أنا مش زعلانة إنك كبرتي يا جنى أنا زعلانة إنك بقيتي لوحدك من غير ما تقوليلي أنا هنا علشانك مش ضدك رفعت وشها وبصتلي بعينين مليانين ندم أنا كنت فاكرة إنك هتمنعيني من كل حاجة قلت لها يمكن أرفض حاجات آه بس عمري ما هسيبك تمشي في طريق خطر من غير ما أحاول أحميكي سكتنا لحظة وبعدين قلت لها هنروح البيت وهنقعد نتكلم براحتنا من
غير صريخ ولا خوف وافقت بهدوء وأنا مسكت إيدها ومشيت معاها ناحية العربية وفي الطريق كنت بفكر قد إيه أنا كنت بعيدة عنها من غير ما أحس كنت فاكرة إني سايباها علشان أثق فيها بس الحقيقة إني كنت سايباها لوحدها ترجع من جديد وأنا محتاجة أكون جنبها أكتر من أي وقت فات لما وصلنا البيت قعدنا سوا وبدأت تحكيلي كل حاجة بالتفصيل عن الأيام اللي فاتت عن صحابها وعن الأماكن اللي راحتها وعن الولد وعن خوفها مني ومن رد فعلي وأنا كنت بسمعها بس المرة دي بجد بسمع مش بس أسمع وخلاص ومن اليوم ده حياتنا اتغيرت بقينا نتكلم أكتر نضحك
أكتر نتخانق أحيانًا بس في الآخر نرجع لبعض وأنا فهمت إن أخطر حاجة مش إن ولادنا يكبروا أخطر حاجة إنهم يكبروا بعيد عننا من غير ما نحس حكـايات أسمـا السيـد